शनिबार, ३० जेठ २०८३
शनिबार, ३० जेठ २०८३
१६ चैत २०८२
काठमाडौं- सपथ खाएकै दिनदेखि आक्रामक बनेका प्रधानमन्त्री बालेन्द्र शाह बालेनले चुस्त सल्लाहकार र सचिवालय टिम बनाएका छन्। काठमाडौं महानगरपालिकाको मेयरमा निर्वाचित हुनुअघिदेखि आफूसँग जोडिएका विश्वासपात्रलाई नै उनले सचिवालयमा समावेश गरेका हुन् ।
उनको सचिवालयमा अनुभवी प्रशासक छन् । चुनावको सुरुआती दिनदेखि साथ दिने व्यक्तिहरू पनि समेटिएको छ । चैत १३ गते शपथ लिएका प्रधानमन्त्री बालेनले आफ्नो प्रमुख सल्लाहकारमा कुमार बेनलाई नियुक्त गरेका छन् । बेन बालेन काठमाडौंको मेयरमा निर्वाचित हुनुअघिदेखि नै उनलाई साथ दिँदै आएका व्यक्ति हुन् । स्रोतका अनुसार, मेयरको चुनावी अभियानदेखि प्रतिनिधिसभा सदस्य निर्वाचनसम्म बेनले बालेनका निम्ति मुख्य भूमिका निर्वाह गरेका थिए । बालेनले आमचुनावअघि राजनीतिक भेटघाट पनि ललितपुरको ज्वागलस्थित उनकै घरमा गरे । बालेन मेयर हुँदा पनि बेन उनका सल्लाहकार थिए ।
राष्ट्रिय स्वतन्त्र पार्टी रास्वपामा प्रवेश र सहमतिसम्ममा बालेनका तर्फबाट उनले नै प्रमुख भूमिका निर्वाह गरे । उनी ललितपुरमा नेपाली कांग्रेस र स्वतन्त्र रूपमा १० पटक वडाध्यक्ष जितेका नरसिंह व्यञ्जनकारका छोरा हुन् ।
बालेनले आफ्नो राजनीतिक सल्लाहकारमा असिम शाहलाई नियुक्त गरेका छन् । असिमले रास्वपा र बालेनबीच एकताका निम्ति भूमिका निर्वाह गरेका थिए । गएको पुस १३ गते बिहान रास्वपाका सभापति रवि लामिछाने र बालेनबीच सातबुँदे सहमति भएको थियो । असिम यसअघि रास्वपाबाट समानुपातिक सांसद बनेका थिए ।
प्रधानमन्त्री बालेनले आफ्नो मुख्य स्वकीय सचिवमा सुवास शर्मालाई नियुक्त गरेका छन् । यस्तै, प्रधानमन्त्रीको प्रशासन प्रमुखमा सुदीप ढकाललाई नियुक्त गरिएको छ । उनी रास्वपाको समानुपातिक सूचीमा खस आर्यतर्फ दुई नम्बरमा थिए । यो क्लस्टरबाट रमेश प्रसाईं मात्र सांसद बने । यसअघि रूपन्देहीको तिलोत्तमा नगरपालिकाका पूर्वआईटी अफिसर पनि हुन् ।
बालेनले सूचना, सञ्चार तथा प्रविधि संयोजकमा विवेक मिश्रलाई नियुक्त गरेका छन् । बालेन महानगरमा हुँदा मिश्रले आईटी विज्ञका रूपमा काम गरेका थिए । प्रधानमन्त्रीको निजी सचिवालय प्रमुखमा सहसचिव प्रदीप परियारलाई नियुक्त गरिएको छ ।
परियार ०८० माघ ५ गते काठमाडौं महानगरको प्रमुख प्रशासकीय अधिकृत बनेका थिए । उनले बालेनसँग केही समय काम गरेका थिए । ०८१ भदौ २७ गतेको मन्त्रिपरिषद्को बैठकबाट उनलाई सरुवा गरिएको थियो ।
पर्वतको फलेवास स्थायी घर भएका परियार निजामती सेवामा प्रवेश गरेको नौ वर्षमै खुला प्रतिस्पर्धाबाट सहसचिव बनेका युवा प्रशासक हुन् । उनले सहरी विकास मन्त्रालय, राष्ट्रिय योजना आयोग र सूचना विभागमा काम गरिसकेका छन् ।
प्रधानमन्त्री बालेननिकट स्रोतका अनुसार, भूपदेव शाह, नवीन भण्डारी, अर्जुन घिमिरे (पाँडे), सुरेन्द्र बजगाईं, विनय शाक्यलगायत व्यक्तिहरूलाई टिममा समावेश गर्नेबारे निर्णय हुन बाँकी छ । बालेन मेयर हुँदा प्रमुख स्वकीयसचिव भूपदेव शाह, सहायक स्वकीयसचिव नवीन भण्डारी, प्रेस सहजकर्ता बजगाईं र फोटोग्राफर शाक्य थिए ।
ओली, लेखक र गुरुङलाई पुनः पक्राउ गर्दै सरकार
भारतीय सुरक्षाकर्मीलाई लखेटे सुस्ताबासीले, हतियार सहित आएर दिन थाले धाकधम्की
दराजमा थन्किएका फाइल अब सुदनको टेबुलमा, गिरिबन्धुसहित यी १५ महाकाण्ड खोल्ने
अर्थमन्त्री वाग्लेमाथि संसदीय छानबिन समिति गठन गर्न नेकपाको माग
सर्वोच्च अदालतको आदेश : प्रदर्शनीमार्ग वरपर नाराजुलुस र प्रदर्शन नगर्नू
फिफा विश्वकप २०२६ मा सहभागी टोलीमा विदेशी प्रशिक्षकको वर्चस्व
विद्यार्थीका मोबाइल नष्ट नगर्न सर्वोच्चको आदेश, सिरहा घटनाबारे लिखित जवाफ माग
दुई रुपैयाँ मात्रै बेइमानी गरेको प्रमाण दिनुस् सार्वजनिक जीवन नै त्यागिदिन्छु :अर्थमन्त्री स्वर्णिम वाग्ले
पोखराबाट दुबईका लागि नियमित अन्तर्राष्ट्रिय उडानको टिकट बुकिङ खुला
रास्वपामा १३६ सदस्यीय केन्द्रीय समिति र १६ सदस्यीय पदाधिकारी प्रस्ताव
प्रतिक्रिया